Kveðja Þór/KA og horfa til framtíðar
Þór boðar áframhaldandi uppbyggingu í kvennaknattspyrnu og óskar eftir fólki til að taka þátt í starfinu þegar félagið undirbýr nýtt upphaf undir eigin merkjum.
„Við erum full af metnaði og krafti og viljum áfram stuðla að tækifærum fyrir allar stelpur til að stunda knattspyrnu á Akureyri,“ segir í tilkynningu Þórs.
Félagið mun eiga lið í Bestu deild kvenna á næsta tímabili eftir slit samstarfsins við KA. Þór leggur áherslu á að áfram verði stutt við knattspyrnuiðkun bæði stelpna og stráka, frá yngstu flokkum upp í meistaraflokk.
Í tilkynningunni er jafnframt þakkað fyrir framlag allra sem komið hafa að sameiginlegu kvennastarfi undanfarin 34 ár. Félagið rifjar upp að starfið hafi skilað árangri innan vallar sem utan og alið af sér landsliðskonur og atvinnukonur.
Sameiginleg lið hafa í gegnum tíðina leikið undir merkjum ÍBA, Þórs/KA, Þórs/KA/KS og Þórs/KA/Dalv/Völ. Þór færir leikmönnum og öllum öðrum sem lagt hafa starfinu lið þakkir fyrir þeirra þátt í að efla kvennaknattspyrnu.
Nú horfir félagið fram á veg og hvetur áhugasama til að hafa samband og leggja sitt af mörkum í framhaldinu. Allir iðkendur séu velkomnir.
内容来自 Mbl.is - Íþróttir - Fótbolti,版权归原作者所有。
阅读原文 ↗