Verðlaunahafi á ÓL í langt bann
Búlgarski lyftingamaðurinn Bozhidar Dimitrov Andreev, sem vann brons á Ólympíuleikunum í París 2024, hefur verið dæmdur í fjögurra ára keppnisbann vegna lyfjamisnotkunar.
Hinn 29 ára gamli lyftingamaður féll á lyfjaprófi vegna vefaukandi sterans mesterolóns í sýni sem tekið var utan keppni 15. október 2025.
Bannið gildir til 17. nóvember 2029, sem þýðir að hann missir af Ólympíuleikunum í Los Angeles 2028. Bronsverðlaun hans í 73 kg flokki í París standa óhögguð.
Andreev, sem varð einnig Evrópumeistari árin 2019 og 2024, getur áfrýjað ákvörðuninni til Alþjóðaíþróttadómstólsins (CAS).
内容来自 Mbl.is,版权归原作者所有。
阅读原文 ↗