Ringulreið í flugsamgöngum dregst enn á langinn

Í dag hefur hundruðum flugferða verið aflýst, og enn er spurningum um það hvernig slíkt öngþveiti gæti skapast á einni nóttu út frá einum mistökum ósvarað. AFP/Ryan Murphy

Ríkisstjórn Donalds Trump Bandaríkjaforseta hefur varað við því að sú ringulreið sem ríkt hefur í flugsamgöngum þar í landi kunni að dragast á langinn um einn dag til viðbótar.

Orsök ringulreiðarinnar var flugbann sem lagt var á vegna umfangsmikillar bilunar í fjarskiptakerfum, sem ríkisstjórnin hefur rakið til misheppnaðra skipta á gömlum koparfjarskiptaköflum. 

Flugferðum var raskað um allan heim og urðu meðal annars seinkanir á flugferðum Icelandair. Í dag hefur hundruðum flugferða verið aflýst, og enn er spurningum um það hvernig slíkt öngþveiti gæti skapast á einni nóttu út frá einum mistökum ósvarað.

Tæki lengri tíma en áætlað var

Bandaríkjaforseti rauf í morgun óvenju langa þögn sína til þess að tjá sig um málið, og kenndi þar forvera sínum í embætti, Joe Biden, um klúðrið. 

Bryan Bedford, forstjóri FAA, hafði sagt í gær að flugsamgöngur fyrir milljónir Bandaríkjamanna sem sátu fastir á flugvöllum heimsins yrðu komnar í eðlilegt horf við lok vinnudags í dag.

Sean Duffy samgönguráðherra, hefur hins vegar sagt frá því í viðtölum í dag að í raun tæki lengri tíma að koma flugvélum, áhöfnum og farþegum þangað sem þau þyrftu að vera.

„Í lofthelginni munum við því sjá hlutina færast í eðlilegt horf í dag, en líklega verður allt komið í fullkomlega eðlilegt horf á morgun,“ sagði Duffy í viðtali í fréttatíma ABC News.

„Flugvélar og áhafnir voru ekki á réttum stöðum vegna föstudagsins, svo það tekur smá tíma að laga það.“

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅