Fórnarlamba umferðarslysa minnst nyrðra
Stillt var upp í mynd af viðbragðsaðilum en þyrla Landhelgisgæslunnar TF-Gná var á svæðinu. mbl.is/Þorgeir
Fórnarlamba umferðarslysa var minnst á Akureyri í dag eins og víða annars staðar á landinu en alþjóðlegur minningardagur um fórnarlömb umferðarslysa er í dag.
Að þessu sinni er áherslan á unga ökumenn en 12 hafa látist í umferðinni á árinu og eru merki um að áhættuhegðun ungra ökumanna sé að færast í aukana.
Minningarstundin á Akureyri fór fram klukkan 14 í dag við Hjalteyrargötu 12 á athafnasvæði björgunarsveitarinnar þar í bæ.
Séra Sindri Geir Óskarsson, prestur við Glerárkirkju, flutti hugvekju og stýrði einnar mínútu þögn. mbl.is/Þorgeir
Þyrlan á svæðinu
Stillt var upp í mynd af viðbragðsaðilum en þyrla Landhelgisgæslunnar TF-Gná var á svæðinu.
Séra Sindri Geir Óskarsson, prestur við Glerárkirkju, flutti hugvekju og stýrði einnar mínútu þögn.
Emma Agneta Björgvinsdóttir flutti þá reynslusögu sína en hún missti 12 ára son sinn Blæng Mikael Bogason í umferðarslysi árið 2013.
Fulltrúar lögreglu og bæjarstjórnar Akureyrar fluttu einnig ávörp á minningarstundinni á Akureyri.
内容来自 Mbl.is - Innlendar fréttir,版权归原作者所有。
阅读原文 ↗





