Daníel Tristan: Alltaf verið að fylgjast með manni

Daníel Tristan Guðjohnsen.

Íslenska U21 árs landslið karla í fótbolta mætir jafnöldrum sínum í því gríska í fyrri leik liðanna í umspili um sæti á lokamóti EM sem fram fer á næsta ári. Liðin gerðu jafntefli í fyrri leiknum á fimmtudag, 1:1, og mætast aftur á morgun ytra.

„Ég hef mjög mikla trú á að við getum tekið þetta. Við höfum áður sýnt hversu góðir við erum, bæði á móti Frakklandi og Sviss. Ég hef því mjög mikla trú á þessu,“ sagði Daníel Tristan Guðjohnsen, framherji íslenska liðsins, við mbl.is.

Hann er spenntur fyrir því að spila á lokamóti fyrir Íslands hönd.

„Já, það væri mjög gaman, í raun alveg geggjað,“ sagði hann.

Mikill áhugi er á slíkum lokamótum og gætu nýjar dyr opnast fyrir Daníel sem leikur í dag með Malmö í Svíþjóð. Hann vill sýna sig og ná enn lengra.

„Já, hundrað prósent. Það er bara hluti af þessu. Það er alltaf verið að fylgjast með manni, sérstaklega á svona stórmótum,“ sagði Daníel.

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅