Rekinn eftir átök eiginkvennanna tveggja
Egypska knattspyrnusambandið hefur rekið landsliðsþjálfarann Hossam Hassan í kjölfar deilna um einkalíf hans og ráðið Ali Maher í hans stað.
Deilan magnaðist í ágúst þegar Howaida Al-Gharbawi og Dina Mostafa, eiginkonur hans tvær, lentu í átökum á meðan hann var í fríi nálægt Alexandríu.
Nettavisen greindi frá því að báðar konurnar hefðu verið handteknar og að Hassan hefði hnigið niður þegar hann reyndi að skerast í leikinn og þurft á sjúkrahúsmeðferð að halda.
Fjölmiðlaeftirlit Egyptalands bannaði Hassan í kjölfarið að ræða deiluna opinberlega. Knattspyrnusambandið vísaði til „neikvæðra áhrifa á jákvæða ímynd og stöðugleika“ landsliðsins vegna málsins.
Hassan kom Egyptalandi í útsláttarkeppni heimsmeistaramótsins í fyrsta sinn í sumar, þar sem liðið tapaði 3:2 fyrir Argentínu í 16-liða úrslitum.
内容来自 Mbl.is - Íþróttir - Fótbolti,版权归原作者所有。
阅读原文 ↗