Lést aðeins 24 ára
Rachel Apa, 24 ára bandarískur hlaupari, lést eftir að hafa hnigið niður undir lok fyrsta maraþonhlaups síns í New York.
Faðir hennar sagði við The New York Times að dánarorsökin hefði verið rákvöðvalýsa, ástand sem felur í sér niðurbrot vöðva.
Apa hneig niður við um það bil 24. míluna í Central Park. Áhorfendur hófu endurlífgun áður en heilbrigðisstarfsfólk hlaupsins notaði hjartastuðtæki. Læknar reyndu síðan að bjarga henni í meira en sex klukkustundir eftir að hún var flutt á bráðamóttöku.
„Þetta er óskiljanlegt. Fullkomin heilsa, í fullkomnu formi, 24 ára gömul,“ sagði faðir hennar, Steve Apa.
Apa, sem áður lék hokkí með háskólaliði, safnaði fé til baráttunnar gegn Parkinsonsveiki í minningu afa síns.
Vitni gagnrýndi viðbragðstíma neyðaraðila en skipuleggjendur svöruðu ekki spurningum áðurnefnds miðils um slíkt.
内容来自 mbl.is - Íþróttafréttir,版权归原作者所有。
阅读原文 ↗