Árni Hjörvar og Ása Dýradóttir keyptu útsýniíbúð með leyniherbergi
Árni Hjörvar Árnason markaðs- og kynningarstjóri Tónlistarmiðstöðvar og upptökustjóri og Ása Dýradóttir bassaleikari í hljómsveitinni Mammút hafa fest kaup á einstakri íbúð við Ægisíðu í Reykjavík. Þau greiddu 145.000.000 kr. fyrir íbúðina.
Um er að ræða 162 fm íbúð sem er í húsi sem reist var 1956. Húsið er eitt af þessum fallegu húsum sem standa við Ægisíðuna.
Þegar gengið er inn í íbúðina tekur við ríkmannlegur stigi upp í íbúðina. Stórt hol er við anddyri íbúðarinnar sem er vel skipulögð. Eldhúsið er upprunalegt og er í sérherbergi eins og tíðkaðist á þeim tíma.
Stórar samliggjandi stofur prýða íbúðina og er útsýni út á sjó úr stofunum. Í íbúðinni er hringstigi upp í leyniherbergi, svokallað háaloftsherbergi sem getur nýst í alls konar sniðugt.
Smartland óskar Árna Hjörvari og Ásu til hamingju með íbúðina!
内容来自 Mbl.is - Smartland - Heimili og hönnun,版权归原作者所有。
阅读原文 ↗

