Kristinn öflugur í stórsigri
Landsliðsmaðurinn Kristinn Pálsson átti frábæran leik er Alicante vann stórsigur gegn Palma, 100: 66, í 8. umferð næstefstu deildar spænska körfuboltans í kvöld.
Alicante er því enn ósigrað og situr í efsta sæti deildarinnar með fullt hús stiga.
Alicante sýndi mikla yfirburði í kvöld og var með forystuna allan leikinn og var 34 stiga sigur niðurstaðan.
Kristinn lék aðeins 15 mínútur en á þeim tíma skoraði hann 11 stig, þar sem hann hitti úr þremur þriggja stiga skotum, og gaf þrjár stoðsendingar. Stigahæstur í kvöld var liðsfélagi Kristins, Rafeal Lisboa, en hann skoraði 15 stig.
内容来自 mbl.is - Íþróttafréttir,版权归原作者所有。
阅读原文 ↗