Noregur aftur á sigurbraut

Erling Braut Haaland gulltryggði sigur Norðmanna á 88. mínútu.

Erling Braut Haaland gulltryggði sigur Norðmanna á 88. mínútu. AFP/Javad Parsa

Noregur vann þægilegan heimasigur gegn Wales, 3:1, í 5. umferð riðlis 4 í A-deild Þjóðadeildar Evrópu í dag.

Noregur er þar með komið aftur á sigurbraut en liðið hafði tapað síðustu þremur leikjum og aðeins unnið einn leik eftir að liðið datt út úr átta liða úrslitum HM í sumar gegn Englandi.

Markalaust var í hálfleik en Antonio Nusa, leikmaður Leverkusen, kom heimamönnum yfir á 59. mínútu og stuttu seinna tvöfaldaði Andreas Schjelderup forystuna. 

David Brooks minnkaði síðan muninn á 79. mínútu en það var enginn annar en Erling Braut Haaland sem gulltryggði sigurinn á 88. mínútu af vítapunktinum.

Ótrúlegt en satt þá er þetta 66. mark hans fyrir norska landsliðið í aðeins 60 leikjum.

内容来自 Mbl.is - Íþróttir - Fótbolti,版权归原作者所有。

阅读原文 ↗

把喜欢的内容,留在你的新标签页。

打开我的订阅