Mjög hvasst í nótt
Innlent | mbl | 14.11.2026 | 8:09
„Það var mjög hvasst í nótt og það er ennþá mjög hvasst á austanverðu landinu. Það hefur verið ágætis hríðarveður.“
Þetta segir Haraldur Eiríksson, veðurfræðingur á Veðurstofu Íslands, spurður hvort að óveðurspár á norðan- og austanverðu landi hafi ræst í nótt.
Spurður út í horfurnar fram eftir degi segir hann: „Það hefur dregið mikið úr ofankomunni, en það er ennþá mjög hvasst á Austurlandi. Það dregur hægt og bítandi úr veðurofsanum í dag.“
Appelsínugul veðurviðvörun ríkir á Austurlandi að Glettingi, Austfjörðum og á Suðausturlandi. Gul viðvörun er á miðhálendinu.
内容来自 Mbl.is - Innlendar fréttir,版权归原作者所有。
阅读原文 ↗