Foktjón og skip losnaði frá bryggju

Veðrið gengur á land í samræmi við spár Veðurstofu Íslands.

Veðrið gengur á land í samræmi við spár Veðurstofu Íslands. Kort/Vegagerðin

Nokkuð hefur verið um verkefni hjá lögreglunni á Norðurlandi vegna óveðursins sem gengur nú yfir landið. 

Skip losnaði frá bryggju á Akureyri og foktjón hefur orðið á húsum í Ólafsfirði og á Dalvík. 

Engar tilkynningar hafa þó borist um slys á fólki. 

Á leið að bryggju fyrir eigin vélarafli

Hermann Karlsson, aðalvarðstjóri lögreglunnar á Norðurlandi eystra, segir í samtali við mbl.is að stærsta verkefni lögreglu hafi verið  á Akureyri þar sem skip losnaði frá bryggju. 

Þá segir hann hafa tekist að koma áhafnarmeðlim um borð og sé skipið nú á leið að bryggju fyrir eigin vélarafli. 

Hann segir tjón hafa orðið á tveimur íbúðarhúsum á Ólafsfirði. Rúða brotnaði í öðru þeirra og kom lögregla íbúum til aðstoðar. Þak losnaði á hinu húsinu, sem er óbyggt. 

Í samræmi við spár

Pétur Björnsson, yfirlögregluþjónn Norðurlands vestra, segir í samtali við mbl.is að búið sé að hreinsa vegi af bílum og fólki. Þjóðvegi 1 um Blönduós var lokað vegna fastra bíla. 

Engar tilkynningar hafa borist um skemmdir á húsum þar. 

Óli Þór Árnason, veðurfræðingur hjá Veðurstofu Íslands, segir í samtali við mbl.is að veðrið gangi á land í samræmi við spár.

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅