Rapparinn ræddi ferilinn í Fríkirkjunni

Rapparinn Tinie Tempah kom fram á Iceland Noir ásamt Sölva Blöndal og Ragnari Jónassyni. mbl.is/Eyþór

Breski rapparinn Tinie Tempah kom fram á bókmenntahátíðinni Iceland Noir í dag þar sem hann ræddi viðburðaríkan tónlistarferil sinn, mótlæti og þær breytingar sem orðið hafa á tónlistariðnaðinum á undanförnum árum.

Rapparinn hefur nýverið snúið aftur á tónleikasviðið eftir langt hlé en í síðasta mánuði gaf hann út plötuna The Night's Not Dead, sína fyrstu í níu ár.

Rapparinn Tinie Tempah.

Rapparinn Tinie Tempah. mbl.is/Eyþór

Í samtali við Morgunblaðið í gær sagðist hann hafa saknað þess að koma fram fyrir áhorfendur meira en hann gerði sér grein fyrir.

„Það hefur verið eins og draumur að komast út aftur og tengjast fólki á ný – líka að tengjast nýju fólki og nýjum áhorfendum.“

mbl.is/Eyþór

Tinie hefur á undanförnum árum meðal annars einbeitt sér að fjölskyldulífinu, viðskiptum og því að styðja unga tónlistarmenn. Hann segir samfélagsmiðla hafa gjörbreytt tónlistariðnaðinum en leggur jafnframt áherslu á mikilvægi tónleikahalds og persónulegra samskipta.

Þetta er í þriðja sinn sem rapparinn heimsækir Ísland en hann kom meðal annars fram á Keflavík Music Festival árið 2013. Að þessu sinni er heimsóknin stutt, aðeins einn sólarhringur.

mbl.is/Eyþór

mbl.is/Eyþór

内容来自 Mbl.is - Fólkið - Fólk,版权归原作者所有。

阅读原文 ↗

把喜欢的内容,留在你的新标签页。

打开我的订阅