Myndskeið: Nýi stjóri United brotnaði niður

Mauricio Pochettino á blaðamannafundinum áðan.

Mauricio Pochettino á blaðamannafundinum áðan. AFP/Kevin C. Cox

Mauricio Pochettino hefur viðurkennt að það hafi verið erfiðasta ákvörðun ferilsins að yfirgefa bandaríska landsliðið til að taka við enska knattspyrnufélaginu Manchester United.

Pochettino skrifaði nýverið undir nýjan samning við bandaríska knattspyrnusambandið sem gildir til ársins 2030 en ákvað að yfirgefa starfið þegar tækifærið hjá Manchester United bauðst. Hann skrifaði undir tveggja og hálfs árs samning við United í dag. 

„Ég skrifaði undir nýjan samning til ársins 2030 við bandaríska landsliðið en sambandið vissi að tækifæri eins og þetta hjá Manchester United bjóðast ekki oft á ævinni. Það er einfaldlega ekki hægt að hafna slíku,“ sagði Pochettino.

Argentínumaðurinn brast í grát þegar hann ræddi ákvörðunina og sagðist hafa átt afar erfitt með að kveðja bandaríska landsliðið.

Outgoing USMNT head coach Mauricio Pochettino, visibly emotional as he addresses his departure publicly for the first time here at US Soccer HQ outside Atlanta. More to come in a bit. https://t.co/rc0BRMkwJq

— Pablo Iglesias Maurer (@MLSist) November 13, 2026

Við erum fagmenn

„Ég vil þakka starfsliðinu og leikmönnunum fyrir þessi tvö stórkostlegu ár. Mér hefur liðið ótrúlega vel í starfinu og ég er mjög stoltur af því sem við höfum áorkað saman. Það er mjög erfitt að ganga frá þessu verkefni.

Það er sorglegt að ég sé að hætta á þessum tímapunkti en við erum fagmenn og þurfum að finna réttu leiðina að árangri, hvað sem á dynur,“ sagði hann.

Bandaríkin eiga fyrir höndum mikilvæga leiki gegn Haítí í Þjóðadeildinni á næstu dögum. Þeir verða síðustu leikir Pochettino við stjórnvölinn hjá liðinu.

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅