KA staðfestir komu Hansen frá Víkingi

KA hefur staðfest komu danska framherjans Nikolaj Hansen, sem skrifaði í dag undir tveggja ára samning við Akureyrarfélagið.

Hansen, sem er 33 ára, kemur frá Víkingi Reykjavík þar sem hann hefur leikið frá árinu 2017 og verið í lykilhlutverki í velgengni félagsins.

Daninn hefur fimm sinnum orðið Íslandsmeistari og fimm sinnum bikarmeistari og er sigursælasti erlendi leikmaðurinn í sögu íslenskrar knattspyrnu.

Árið 2021 varð hann markakóngur Íslandsmótsins og var jafnframt valinn besti leikmaður Bestu deildarinnar.

Í tilkynningu KA segir að komu Hansens fylgi skýr skilaboð um metnað félagsins. KA féll úr Bestu deildinni síðasta sumar og ætlar sér beina leið aftur í deild þeirra bestu.

Félagið vonast einnig til að reynsla Danans nýtist ungum leikmönnum liðsins. Fyrr í dag tilkynnti KA endurkomu Srdjan Tufegdzic, Túfa, sem mun stýra liðinu.

Það eru því miklar breytingar í gangi á Akureyri fyrir næsta tímabil.

内容来自 DV.is,版权归原作者所有。

阅读原文 ↗

把喜欢的内容,留在你的新标签页。

打开我的订阅