Táraðist við undirskriftina
Landsliðsþjálfarinn Lionel Scaloni hefur skrifað undir nýjan fjögurra ára samning við argentínska knattspyrnusambandið.
Þetta var tilkynnt á blaðamannafundi Scalonis en Argentína mætir Úrúgvæ í kvöld síðan og Kosta Ríka í tveimur landsleikjum í yfirstandandi glugga.
Hann hefur stýrt argentínska karlalandsliðinu frá árinu 2018 eftir að heimsmeistaramótinu í Rússlandi lauk og gerði Argentínu að heimsmeisturum árið 2022 í Katar.
Þá hefur Argentína tvisvar orðið Suður-Ameríkumeistari undir hans stjórn, 2021 og 2024.
Þá komst liðið alla leið í úrslitaleik heimsmeistaramótsins í Norður-Ameríku í sumar en mátti þola tap fyrir heimsmeisturum Spánar.
Nýr samningur Scalonis gildir út heimsmeistaramótið 2030 sem fram fer í Marokkó, Portúgal og á Spáni, en hann verður án Lionels Messis, fyrirliða liðsins síðastliðinn áratug, en Messi lagði landsliðsskóna á hilluna á dögunum.
Scaloni er algjör hetja í Argentínu eftir að hafa leitt landsliðið til þriggja stórtitla, þar á meðal heimsmeistaratitilsins, eftir margra ára bið eftir stórum titli.
内容来自 mbl.is - Íþróttafréttir,版权归原作者所有。
阅读原文 ↗