Útflutningur eldis nálgast 60 milljarða
Sjókvíar. Radarinn vitnar í Deloitte um að fjárfestingar í fiskeldi hafi á síðasta ári verið meiri en nokkru sinni fyrr. Ljósmynd/Colourbox
Í október voru fluttar út eldisafurðir fyrir 5,6 milljarða króna, sem er um 3% aukning frá sama mánuði í fyrra, að því er segir í umfjöllun Radarsins.
Á föstu gengi er aukningin sögð nema rúmum 4%.
„Útflutningsverðmæti eldisafurða er þar með komið í tæpa 57 milljarða króna á fyrstu tíu mánuðum ársins, sem er rúmlega 36% aukning á föstu gengi frá sama tímabili í fyrra,“ segir í umfjölluninni.
Þá kemur fram að eldisafurðir hafi verið tæplega 7% af heildarverðmæti vöruútflutnings á tímabilinu, en þær hafi aldrei verið fyrirferðameiri í útflutningi á þessum hluta árs.
Sömuleiðis hafi fjárfestingar í fiskeldi verið meiri í fyrra en nokkru sinni fyrr og numið alls um 45 milljörðum króna.
Vitnað er í nýja samantekt Deloitte um að eldisfyrirtæki hafi fjárfest fyrir samtals 135 milljarða króna á undanförnum fimm árum.
Fjárfestingarnar nái bæði til sjókvíaeldis og landeldis.
内容来自 Mbl.is - 200 mílur,版权归原作者所有。
阅读原文 ↗