Hvetja til varúðar vegna hættu á flughálku

Það er vissara að fara varlega í umferðinni.

Það er vissara að fara varlega í umferðinni. mbl.is/Eggert

Lögreglan á höfuðborgarsvæðinu hvetur vegfarendur til að fara varlega í umferðinni í dag. Snjóað hefur á höfuðborgarsvæðinu og víðar og hætta er á frostrigningu og flughálku á köflum á suðvestanverðu landinu.

„Farið varlega í umferðinni í dag sem og alla aðra daga,“ segir í skilaboðum lögreglunnar á Facebook

Í morgun var greint frá því snjókoma yrði á vestanverðu landinu en úrkoman breyttist í slyddu eða rigningu á láglendi síðdegis, samhliða hlýnandi veðri.

Kalt loft gæti setið eftir

Í tilkynningu lögreglu segir að vindur sé svo hægur að hann nái sums staðar ekki að ryðja kalda loftinu frá. Þar sem úrkoman haldi áfram gæti því komið frostrigning.

Líkur eru á flughálku á köflum á suðvestanverðu landinu, einkum í uppsveitum sunnan- og vestanlands. Einnig gæti orðið flughált á stöku stað um tíma á Reykjanesi og höfuðborgarsvæðinu.

Veðurvefur mbl.is

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅