Teppan hafði áhrif á sjúkrabíl í forgangsakstri

„Við þurftum aðeins að bregða út af leið bara út af lokunum þarna,“ segir varðstjóri hjá slökkviliðinu á höfuðborgarsvæðinu. mbl.is/Eyþór

Sjúkrabíll í forgangsflutningi varð að bregða út af leið í síðdegisumferðinni í gær. Mikil umferð myndaðist vegna fræsingar og malbikunar á rampi sem nær af Bústaðarvegi niður á Kringlumýrarbraut/Hafnarfjarðarveg til suðurs.

„Við þurftum aðeins að bregða út af leið bara út af lokunum þarna,“ segir Guðjón Ingason, varðstjóri hjá slökkviliðinu á höfuðborgarsvæðinu, í samtali við mbl.is.

„Hann var lokaður rampurinn niður á Kringlumýrarbraut frá Bústaðavegi í suðurátt þannig að við þurftum að fara Hamrahlíðina inn á Kringlumýrarbraut.“

Aðspurður segir hann áhrifin á neyðarakstur gærdagsins blessunarlega ekki hafa verið mikil.

„Þetta var bara einn forgangsflutningur sem þurfti að fara þarna í gegn þannig að það hafði ekki mikil áhrif.“

Fyrirhugaðar voru áframhaldandi malbiksviðgerðir í dag, annars vegar á gatnamótum Kringlumýrarbrautar og Laugavegar og hins vegar á rampinum við Bústaðaveg niður á Kringlumýrarbraut, en þeim hefur verið frestað vegna veðurs þar sem snjór féll á höfuðborgarsvæðinu í morgun.

内容来自 Mbl.is - Innlendar fréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅