Sigurður hættur eftir glæsilegt ár í Færeyjum
Sigurður Ragnar Eyjólfsson er hættur þjálfun karlaliðs NSÍ Runavíkur í fótbolta eftir að hafa stýrt því til færeyska meistaratitilsins á nýliðnu tímabili.
Félagið staðfesti brottför hans í morgun. Sigurður Ragnar segir í færslu á Facebook að hann vilji búa nær fjölskyldu sinni og vinum.
Hann tók við NSÍ fyrir um ári og vann í ár annan meistaratitil félagsins frá upphafi. Sá fyrri vannst árið 2007.
Sigurður Ragnar hefur verið nefndur í tengslum við þjálfarastörf á Íslandi en hann stýrði síðast Keflavík fyrir þremur árum. Hann ræddi meðal annars við Fylki áður en félagið réð Aron Baldvin Þórðarson.
内容来自 mbl.is - Íþróttafréttir,版权归原作者所有。
阅读原文 ↗