Forsætisráðherrann fékk rautt í fyrsta leik
Beinir Johannesen, forsætisráðherra Færeyja, fékk rautt spjald í fyrsta handboltaleik sínum eftir að hann tók við embætti forsætisráðherra.
Hinn 29 ára gamli Beinir leikur enn sem línumaður með Klaksvík í efstu deild Færeyja og sameinar þannig stjórnmálin og keppnishandbolta.
„Það er eiginlega fyndið að þetta skyldi gerast í allra fyrsta leiknum eftir að ég varð forsætisráðherra.
Ég held að dómarinn hafi ekki hikað neitt áður en hann sýndi mér rauða spjaldið,“ sagði hann í samtali við eurohandball.com.
„Það er frábært að hafa eitthvað sem dreifir huganum frá vinnunni og stjórnmálum,“ bætti Beinir við.
„Það er líka gaman að hitta handboltafjölskylduna mína í félaginu svona reglulega. Það skiptir máli að hitta vini sína.“
内容来自 Mbl.is - Íþróttir - Handbolti,版权归原作者所有。
阅读原文 ↗