Fjarvera Trumps táknræn

Recep Tayyip Erdogan, forseti Tyrklands, er fremstur í hópi ráðamanna hinna ýmsu ríkja á COP31. AFP/Ozan Kose

Leiðtogar heimsins ræddu stöðu mála í tengslum við loftslagsvána á árlegri ráðstefnu Sameinuðu þjóðanna um umhverfismál, COP31, í Tyrklandi í gær.

Illa hefur gengið að ná fram sameiginlegum markmiðum alþjóðasamfélagsins um að draga úr losun gróðurhúsalofttegunda í heiminum öllum. 

Margir af æðstu ráðamönnum stærstu ríkja heimsins hafa gert lítið úr vandanum. 

„Engum til undrunar, þá var Donald Trump [Bandaríkjaforseti] ekki mættur en hann dró Bandaríkin út úr Parísarsamkomulaginu,“ segir í umfjöllun AFP-fréttaveitunnar um ráðstefnuna. 

Margir af þjóðarleiðtogum fjölmennustu þjóða jarðarinnar voru fjarverandi. Lula da Silva, nýkjörinn forseti Brasilíu, lét sjá sig og Recep Tayyip Erdogan, forseti Tyrklands, líka. Í því samhengi má einnig nefna Andy Burnham, forsætiráðherra Bretlands.

Ursula von der Leyen, forseti framkvæmdastjórnar ESB, á COP31-ráðstefnunni í Tyrklandi. AFP/Ozan Kose

Verði að fara sama veg og risaeðlurnar

Antonio Guterres, aðalframkvæmdastjóri Sameinuðu þjóðanna, tók til máls í gær og sagði jarðefnaeldsneyti verða að fara sama veg og risaeðlurnar. 

Í svipaðan streng tók Hilda Heini, forseti Marshall-eyja, og þó dýpra í árinni en  loftslagsbreytingar ógna þessum eyjaklasa í Eyjaálfu. 

„Hver einasti nýi olíubrunnur er ógn við framtíð þjóðar minnar,“ sagði forsetinn.

„Heimurinn eins og við þekkjum hann, honum er lokið,“ er haft eftir forsetanum í umfjöllun breska miðilsins The Guardian.

Anthony Albanese, forsætisráðherra Ástralíu, tók einnig til máls sem og Ursula von der Leyen, forseti framkvæmdastjórnar ESB, en hvorugt minnsti á jarðefnaeldsneyti í sínum ræðum.

Hilda Heine, forseti Marshall-eyja, var afdráttarlaus í sinni ræðu.

Hilda Heine, forseti Marshall-eyja, var afdráttarlaus í sinni ræðu. AFP/Ozan Kose

Andy Burnham, forsætiráðherra Bretlands, tekur í hönd Hulusi Sahin, ríkisstjóra Antalya, þar sem ráðstefnan Cop31 er haldin. AFP/Stefan Rousseau

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅