Táningarnir stálu senunni í sætum sigri Íslands

Íslenska liðið á Írlandi

Íslenska liðið á Írlandi Ljósmynd/FIBA

Ísland vann sterkan útisigur á Írlandi, 81:73, í fyrsta leik liðanna í forkeppni undankeppninnar fyrir Evrópumót kvenna í körfubolta sem fram fer árið 2029. Leikið var í Dublin á Írlandi.

Leikurinn var kaflaskiptur því Ísland var með 21:17-forskot eftir fyrsta leikhluta. Írar svöruðu með 25:17-sigri í öðrum leikhluta og var írska liðið því með 42:38-forskot í hálfleiknum.

Íslenska liðið svaraði mjög vel í þriðja leikhluta og var staðan 63:57, Íslandi í vil, eftir glæsilegar lokamínútur í leikhlutanum.

Liðin skiptust á að skora í fjórða leikhlutanum og eftir mikla spennu reyndist íslenska liðið sterkara á lokakaflanum en Írar jöfnuðu skömmu fyrir leikslok.

Hin 18 ára gamla Rebekka Rut Steingrímsdóttir var stigahæst í íslenska liðinu með 18 stig. Hin 16 ára gamla Berglind Katla Hlynsdóttir gerði 14, eins og fyrirliðinn Sara Rún Hinriksdóttir.

Kristrún Ríkey Ólafsdóttir skoraði tvær þriggja stiga körfur á lokakaflanum og endaði með átta stig, eins og Diljá Ögn Lárusdóttir.

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅