Miklar umferðartafir á Bústaðavegi
Innlent | mbl | 11.11.2026 | 17:28 | Uppfært 17:43
Miklar umferðatafir voru í síðdegisumferðinni í dag vegna fræsingar og malbikunar á rampi sem nær af Bústaðarvegi niður á Hafnafjarðarveg í átt að Kópavogi til suðurs.
Framkvæmdirnar hafa staðið yfir frá því klukkun níu í morgun. Þeim átti að ljúka klukkan fimm núna síðdegis.
Var rampurinn lokaður meðan á framkvæmdum stóð. Þetta kemur fram á vef Vegagerðarinnar.
Framkvæmdir á morgun
Á morgun verða framkvæmdir á Bústaðarvegi inn á rampinn sem fer niður á Kringlumýrarbraut. Þær standa yfir frá klukkan ellefu í fyrramálið til klukkan þrjú síðdegis.
„Búast má við umferðartöfum og eru vegfarendur beðnir um að sýna aðgát og tillitssemi.“
Þá eru einnig fyrirhugaðar malbiksviðgerðir við gatnamót Kringlumýrarbrautar og Laugavegar í suðurátt. Þar verður þrengt niður í eina beygjurein.
Höggpúðabílar verða við vinnusvæðið til að beina umferð.
内容来自 Mbl.is - Innlendar fréttir,版权归原作者所有。
阅读原文 ↗