66°Norður opnar búðir í Kína

Helgi Rúnar Óskarsson.

Sjóklæðagerðin, sem rekur útivistarmerkið 66°Norður, hefur gert stóran samning við kínverska fatafyrirtækið HLA Group. Í samtali við Morgunblaðið lýsir Helgi Rúnar Óskarsson forstjóri viðskiptunum sem miklum tímamótum.

HLA er eitt stærsta fatamerki Kína og rekur yfir 7.000 verslanir. Samningurinn gengur út á stofnun samstarfsfélags sem mun annast sölu og dreifingu á vörum 66°Norður í Kína.

Til stendur að opna fyrstu 66°Norður-verslunina í Kína í september 2027. „Það verður flaggskipsverslun í Beijing,“ segir Helgi.

Samkvæmt samningnum mun samstarfsfélagið kaupa vörubirgðir af Sjóklæðagerðinni. Jafnframt hefur verið samið um sölu hugverkaréttinda sem tengjast sölu og dreifingu á vörum 66°Norður í Kína. Greitt verður fyrir réttindin með reiðufé sem mun bæta lausafjárstöðu Sjóklæðagerðarinnar verulega og styrkja fjárhagsstöðu hennar en afkoma fyrirtækisins hefur verið neikvæð undanfarin tvö ár vegna mikilla fjárfestinga í uppbyggingu á alþjóðamarkaði.

Helgi ræðir samninginn og reksturinn almennt í ítarlegu viðtali í blaðinu í dag en hann segir að fyrirtækið hafi mætt mótlæti í Bretlandi og þurft að afskrifa fé.

Frábærlega gangi hins vegar í Danmörku þar sem búið er færa verslunina um set. Sala í Þýskalandi sé sömuleiðis á uppleið. 

Lesa má meira um málið í Morgunblaðinu í dag. 

内容来自 mbl.is - Viðskiptafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅