Íslendingaliðið missti niður forskotið í Meistaradeildinni

Cecilía Rán Rúnarsdóttir.

Cecilía Rán Rúnarsdóttir. Ljósmynd/Alex Nicodim

Inter Mílanó missti niður forskot sitt gegn Manchester City þegar liðin mættust í 4. umferð Meistaradeildar kvenna í fótbolta á Ítalíu í kvöld.

Leiknum lauk með öruggum sigri Manchester City, 4:1, en Elisa Bartoli kom Inter yfir á 24. mínútu.

Cecilía Rán Rúnarsdóttir varði mark Inter og Karólína Lea Vilhjálmsdóttir lék fyrri hálfleikinn með ítalska liðinu sem er með 4 stig í 11. sætinu.

Þá vann Bayern München nauman sigur gegn París SG í Frakklandi, 2:1, en Glódís Perla Viggósdóttir sat allan tímann á varamannabekk Bayern í leiknum.

Bayern er í öðru sætinu með 8 stig líkt og Chelsea, stigi minna en Spánarmeistarar Barcelona sem eru með 9 stig og eiga leik til góða á Bayern og Chelsea.

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅