Neuer meiddur og hvattur til að hætta
Sepp Maier, fyrrverandi markvörður Bayern München og þýska landsliðsins, telur að Manuel Neuer ætti að leggja hanskana á hilluna næsta sumar eftir að Neuer meiddist um helgina.
„Ég myndi segja við hann: „Nú er komið gott, Manu!“ Þú hefur unnið allt og þarft ekki lengur að sanna neitt fyrir neinum,“ sagði Maier við Sport1.
Neuer, sem er fertugur, reif sin að hluta í hægri fæti í 2:1-sigri Bayern á Mainz á laugardag og er búist við að hann verði frá keppni fram í janúar.
Maier lýsti Jonas Urbig sem framtíðarmarkverði Bayern en sagði að heill heilsu væri Neuer enn á meðal þeirra bestu:
„Það gagnast lítið að vera í heimsklassa ef líkaminn getur ekki lengur fylgt eftir.“
内容来自 mbl.is - Íþróttafréttir,版权归原作者所有。
阅读原文 ↗