Óvissa hjá stjörnu Liverpool
Óvíst er hvort Dominik Szoboszlai geti spilað með Ungverjalandi gegn Georgíu í Þjóðadeildinni í fótbolta á laugardag eftir að hafa meiðst á hné í 3:1-sigri Liverpool á Crystal Palace í ensku úrvalsdeildinni um helgina.
Fyrirliði Ungverjalands gekkst undir rannsóknir, að því er landsliðið greindi frá á X í dag. Enn er óljóst hvort hann nái sér í tæka tíð.
„Ákvörðun um hvort hann geti spilað verður líklega ekki tekin fyrr en á síðustu stundu,“ sagði liðið í tilkynningu sinni.
Ungverjaland er í öðru sæti 2. riðils B-deildar með sjö stig eftir fjóra leiki, einu stigi á eftir Norður-Írlandi. Úkraína er í þriðja sæti með fjögur stig og Georgía neðst með tvö.
Ungverjar taka á móti Norður-Írum í lokaumferðinni 17. nóvember.
内容来自 Mbl.is - Íþróttir - Fótbolti,版权归原作者所有。
阅读原文 ↗