Ljósastaur á versta stað

Ljósastaurinn á þessum glænýja hjólastíg er á miðri hjólaakrein.

Hjólastígum hefur fjölgað mikið á höfuðborgarsvæðinu undanfarin ár og kemst hjólreiðafólk nú leiða sinna á sérstökum aðskildum akreinum víða um borgina. Enn eru þó ýmis ljón á veginum við að bæta umgjörðina fyrir þennan samgöngumáta og þá spretta nýlegar hindranir stundum upp.

Eitt dæmi um þetta síðastnefnda má sjá á glænýjum hjólastíg meðfram efri hluta Laugavegar við Heklureitinn svokallaða þar sem nú er búið að byggja heilmiklar byggingar.

Þar fyrir framan liggja bæði hjóla- og göngustígar, en á miðri annarri akreininni stendur voldugur ljósastaur upp úr malbikinu.

Svipaða sögu er að segja litlu ofar, en sá staur er þó aðeins meira á milli akreina.

Ólíklegt verður að teljast að þetta fyrirkomulag fengi að líðast á almennum umferðargötum.

Ljósastaurarnir eru á hjólastíg sem liggur við efri hluta Laugavegar, en gamla hús Skattsins má sjá í bakgrunni. mbl.is/Eggert Jóhannesson

内容来自 Mbl.is - Helstu fréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅