Carrick stýrir æfingu hjá United í dag - Búist við brottrekstri á allra næstu dögum

Michael Carrick er enn knattspyrnustjóri Manchester United þrátt fyrir háværar fregnir um að hann verði rekinn á næstu dögum.

Samkvæmt Simon Stone, fréttamanni BBC Sport, mætti Carrick til starfa á æfingasvæði United í Carrington í morgun eins og venjulega. Hann á að stýra æfingu liðsins í dag.

Hvorki Carrick né aðstoðarmenn hans hafa fengið tilkynningu um að þeir eigi að láta af störfum.

Forráðamenn United eru hins vegar sagðir íhuga þjálfaraskipti eftir skelfilega byrjun liðsins á tímabilinu.

Omar Berrada, framkvæmdastjóri félagsins, og Jason Wilcox, yfirmaður knattspyrnumála, munu koma tillögum sínum á framfæri við Sir Jim Ratcliffe, einn eigenda United.

Búist er við að Carrick verði látinn fara en formleg ákvörðun hefur ekki verið tilkynnt.

Verði Carrick rekinn verður það þriðja tímabilið í röð sem United styður knattspyrnustjóra sinn yfir sumarið, styrkir leikmannahópinn og rekur hann síðan á miðju tímabili.

Óvissan á Old Trafford heldur því áfram.

内容来自 DV.is,版权归原作者所有。

阅读原文 ↗

把喜欢的内容,留在你的新标签页。

打开我的订阅