„Langstærsta opnun á íslenskri bíómynd í nokkur ár“
Íslenska kvikmyndin Iceguys the movie hefur svo sannarlega slegið í gegn hjá landanum en alls hafa rúmlega 19.000 manns séð myndina um íslensku strákahljómsveitina.
Kvikmyndin var forsýnd fimmtudaginn 29. október og sáu 6.591 bíógestur myndina á opnunarhelginni.
Rúmlega átta þúsund manns sáu kvikmyndina frá fimmtudegi til sunnudags um síðustu helgi sem er meiri aðsókn en á opnunarhelginni. Uppselt var á fjölda sýninga víða um land.
Í skýjunum með viðtökurnar
„Við erum í skýjunum með viðtökurnar,“ sagði Hannes Þór Halldórsson, einn af leikstjórum og framleiðendum myndarinnar í fréttatilkynningu framleiðslufyrirtækisins Atlavíkur.
„Það er ótrúlega gaman að sjá fólk flykkjast í bíó og skemmta sér saman,“ bætti Hannes Þór Halldórsson einnig við.
Alfreð Ásberg hjá Sambíóunum tekur í sama streng og segir þetta stærstu opnun íslenskrar myndar í nokkur ár.
Allt of lítið af íslenskum grínmyndum
„Það er frábært að fá íslenska grínmynd í bíó enda er allt of lítið af íslenskum grínmyndum í boði og viðtökurnar sýna að það er eftirspurn eftir þeim,“ segir Alfreð í fréttatilkynningu Atlavíkur.
„Þetta er langstærsta opnun á íslenskri bíómynd í nokkur ár. Myndin hefur líka fengið frábæra dóma hjá gagnrýnendum og Morgunblaðið talaði meðal annars um hörkuskemmtilega mynd með góðum húmor, hasar og grípandi tónlist,“ bætti Alfreð við.
内容来自 Mbl.is - Innlendar fréttir,版权归原作者所有。
阅读原文 ↗


