Ákærðir í kjölfar tálbeituaðgerðar

Fimm manns eru ákærðir fyrir fíkniefnabrot og peningaþvætti í kjölfar þess er lögregla beitti tálbeituaðgerð til að lokka þá fram gegnum dulkóðaða samskiptamiðilinn Signal. AFP

Fimm manns eru ákærðir fyrir fíkniefnabrot og peningaþvætti á Stokkhólmssvæðinu í Svíþjóð í kjölfar þess er lögregla beitti tálbeituaðgerð á dulkóðaða samskiptamiðlinum Signal til að lokka þá fram, fyrst með því að kaupa lítið magn af kókaíni, en síðar með því að panta eitt kíló af efninu frá aðalákærða, manni frá Södertälje.

Í kjölfarið voru mennirnir handteknir, en að sögn Mariu Rasmusson, lektors í refsirétti við Uppsalaháskóla, sem ræðir við sænska ríkisútvarpið SVT, er því aðeins hægt að dæma sakborning fyrir glæp í kjölfar tálbeituaðgerðar hefði viðkomandi framið glæpinn engu að síður.

Verklagsreglur mótaðar í Hæstarétti

Segir Rasmusson Hæstarétt Svíþjóðar hafa lagt línurnar hvað tálbeituaðgerðir snertir og horfa þurfi til þess hver átt hafi frumkvæði að afbroti, hvort lögreglumenn undir fölsku flaggi hafi þrýst á grunaðan eða sakaðan einstakling að fremja afbrot og, þegar um fíkniefnabrot sé að ræða, hve langan tíma hafi tekið að útvega fíkniefnin.

Aðalákærði í málinu, maðurinn frá Södertälje, er grunaður um að standa á bak við söluaðganginn á Signal, en meðákærðu eru grunaðir um meðal annars aðild að stórfelldu fíkniefnabroti og peningaþvætti.

SVT

内容来自 Mbl.is - Erlendar fréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅