Myndir: Breiðholtsskóli og Klébergsskóli áfram í úrslit Skrekks
Breiðholtsskóli og Klébergsskóli tryggðu sér sæti í úrslitum Skrekks á fyrsta undanúrslitakvöldinu í Borgarleikhúsinu í kvöld.
Undanúrslitakvöldin eru þrjú talsins og halda áfram á morgun og miðvikudag.
Að þessu sinni taka 793 ungmenni frá 26 skólum þátt en atriði frá átta skólum komast í úrslit sem fara fram 16. nóvember.
Ungmennin allt í öllu
Ungmennin nýta allar sviðslistir í atriðin: tónlist, dans, leiklist og gjörninga sem þau semja sjálf og eru frumsamin lög í sumum atriðum.
Þá sjá þau líka um tæknihliðina, búninga og förðun. Fullorðnir hafa það hlutverk að styðja við uppsetningu atriðanna.
Skrekkur er samstarfsverkefni skóla- og frístundasviðs Reykjavíkur, grunnskóla og félagsmiðstöðva í Reykjavík, RÚV og Borgarleikhússins.
内容来自 Mbl.is,版权归原作者所有。
阅读原文 ↗