Lögregla rannsakar veikindi eftir hálfmaraþon

Að minnsta kosti 19 leituðu á sjúkrahús eftir hálfmaraþon í Santa Barbara í Kaliforníu viku síðar. Myndin tengist fréttinni ekki beint. AFP/Kena Betancur

Að minnsta kosti 19 þátttakendur í hálfmaraþoni í Santa Barbara í Kaliforníu leituðu á sjúkrahús eftir hlaupið á sunnudaginn.

Nokkrir hlauparar voru með svipuð einkenni en orsök veikindanna hefur ekki verið staðfest. Lögregla rannsakar málið.

Í yfirlýsingu frá heilbrigðisfyrirtækinu Cottage Health, sem rekur sjúkrahúsin sem tóku á móti hlaupurunum, segir að óvenjumargir þátttakendur hafi leitað á bráðamóttöku eftir hlaupið. Verið sé að kanna hvort veikindin megi rekja til hita eða annarra þátta.

David Monico, framkvæmdastjóri hlaupsins, sagði í samtali við Los Angeles Times að 15 þeirra sem fluttir voru á sjúkrahús hefðu þjáðst af hitaörmögnun en enginn þeirra verið alvarlega veikur.

Um 7.500 manns tóku þátt í hlaupinu. Drykkjarstöðvar voru með reglulegu millibili á leiðinni þar sem boðið var upp á vatn, orkudrykki og orkugel.

Lögregla hefur óskað eftir upplýsingum frá þátttakendum sem fundu fyrir óvenjulegum einkennum eftir hlaupið. Hún áréttar að orsök veikindanna sé enn óljós og hvetur þá sem finni til vanlíðanar til að leita læknisaðstoðar.

People

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅