Haukar þægilega áfram þrátt fyrir tap
Haukar eru komnir áfram í 16-liða úrslit Evrópubikars kvenna í handbolta þrátt fyrir tap gegn RK Levalea 2010 Niksic frá Svartfjallalandi, 27:24, í seinni leik liðanna á Ásvöllum í kvöld.
Fyrri leikurinn fór einnig fram á Ásvöllum í gærkvöldi og þar unnu Haukar 18 marka sigur, 42:24, og fara því örugglega áfram.
Jóhanna Margrét Sigurðardóttir var enn einu sinni markahæst hjá Haukum með sjö mörk. Rakel Oddný Guðmundsdóttir skoraði þá sex.
Haukar höfðu unnið alla leiki sína á tímabilinu hingað til og var þetta því fyrsta tap liðsins.
Leikirnir í 16-liða úrslitum verða í byrjun næsta árs.
内容来自 Mbl.is - Íþróttir - Handbolti,版权归原作者所有。
阅读原文 ↗