Matarverð hækkar þrátt fyrir boðaðar lækkanir
Dagvöruvísitala ASÍ hækkaði um 0,33 prósent frá ágúst til nóvember, þrátt fyrir að aðilar á smásölumarkaði hefðu boðað verðlækkanir og verðfrystingar í september. Hækkunina má fyrst og fremst rekja til verðhækkana á kjöti og mjólkurvörum, en verðlækkanir hafa að mestu verið bundnar við innfluttar vörur.
Þetta kemur fram í samantekt verðlagseftirlits ASÍ. Eftirlitið hefur mælt aukna tíðni verðlækkana og lækkaði um þriðjungur vara í Bónus í verði á tímabilinu. Í öðrum verslunum var hlutfallið lægra og verðhækkanir mældust tíðari en verðlækkanir.
Mest hækkun í Bónus
Þrátt fyrir fjölda verðlækkana hækkaði dagvöruvísitalan mest í Bónus, eða um 0,49 prósent frá ágúst til nóvember. Í Krónunni nam hækkunin 0,4 prósentum.
Verðlag í Prís og Nettó stóð hins vegar að mestu í stað. Vísitalan hækkaði um 0,06 prósent í Prís og 0,02 prósent í Nettó.
Nautakjöt vegur þungt
Verðhækkanir á kjöti, einkum nautakjöti, skýra meira en helming af hækkun dagvöruvísitölu ASÍ frá ágúst til nóvember. Vísitalan hækkaði um 0,33 prósent á tímabilinu, þrátt fyrir boðaðar verðlækkanir og verðfrystingar á smásölumarkaði.
Þetta kemur fram í samantekt verðlagseftirlits ASÍ um verðþróun frá ágúst til nóvember 2026. Auk kjöts hafa mjólkurvörur, fiskur og grænmeti hækkað í verði. Verðlækkanir hafa hins vegar að mestu verið bundnar við innfluttar vörur.
Bæði lækkanir og hækkanir tíðastar í Bónus
Bónus var með hæsta hlutfall vara sem lækkuðu í verði á tímabilinu, eða 31,4 prósent. Verslunin var jafnframt með hæsta hlutfall vara sem hækkuðu í verði, 22,6 prósent. Verð á 46 prósentum vara var óbreytt.
Þrátt fyrir að fleiri vörur lækkuðu en hækkuðu í verði hækkaði dagvöruvísitalan mest í Bónus, um 0,49 prósent. Í Krónunni nam hækkunin 0,4 prósentum. Verðlag stóð að mestu í stað í Prís og Nettó, þar sem vísitalan hækkaði um 0,06 og 0,02 prósent.
Í öðrum verslunum en Bónus voru verðhækkanir tíðari en verðlækkanir. Hæst var hlutfall vara með óbreytt verð í Prís, eða 70,5 prósent.
Hægt hefur á verðhækkunum
Þótt matvöruverð hafi hækkað á tímabilinu hefur hægt á hækkunum frá upphafi árs. Dagvöruvísitala ASÍ hækkaði að jafnaði um 0,66 prósent á mánuði á fyrsta ársfjórðungi, samanborið við 0,33 prósenta heildarhækkun frá ágúst til nóvember.
Vísitalan byggir á pöruðum samanburði á verði vara. Hlutfall vara sem lækka eða hækka segir eitt og sér ekki til um þróun vísitölunnar, enda skiptir einnig máli hversu miklar verðbreytingarnar eru og vægi varanna í henni. Breytingar vísitölunnar segja heldur ekki til um hvaða verslun er ódýrust.
内容来自 Mbl.is - Helstu fréttir,版权归原作者所有。
阅读原文 ↗