Halldór Guðmundsson bauð í teiti
Halldór Guðmundsson fagnaði útkomu bókar sinnar Líf í bókum - Íslenskar bókmenntir í þúsund ár í bókabúð Forlagsins.
Í bókinni fer hann yfir sögu íslenskra bókmennta frá upphafi til okkar daga. Í bókinni er þúsund ára ævintýraleg atburðarás fjörlega rakin af rithöfundinum sem hefur skrifað margar stórkostlegar bækur eins og ævisögu Halldórs Laxness svo einhver sé nefnd. Í bókinni segir hann frá meginþráðum bókmenntasögunnar, fjölda höfunda og verka, allt frá fornritum til innflytjendabókmennta.
Það var fjölmennt í boði Halldórs sem fram fór í Bókabúð Forlagsins við Fiskislóð í Reykjavík. Þangað mætti Þorsteinn J. Vilhjálmsson fjölmiðlastjarna, Guðmundur Andri Thorsson rithöfundur og fyrrverandi þingmaður og rithöfundurinn Einar Kárason, Þórunn Sigurðardóttir leikkona og kennari og Silja Aðalsteinsdóttir bókadrottning svo einhverjir séu nefndir.
Eins og sjá má var gleðin við völd!
内容来自 Mbl.is,版权归原作者所有。
阅读原文 ↗











