Brynjólfur skoraði í mögnuðum leik
Landsliðsmaðurinn Brynjólfur Andersen Willumsson skoraði eitt marka Groningen í 4:3-tapi gegn AZ Alkmaar í hollensku úrvalsdeildinni í fótbolta í Alkmaar í dag.
Groningen er með 15 stig í níunda sæti deildarinnar en AZ Alkmaar er í því fimmta með 23 stig.
Brynjólfur kom Groningen í 2:1 á 47. mínútu og Thom van Bergen bætti við þriðja markinu sjö mínútum síðar og kom liðinu í 3:1.
AZ Alkmaar sneri hins vegar taflinu sér í hag með því að skora þrjú mörk á lokakaflanum og tryggja sér sigur.
Brynjólfur hefur farið afar vel af stað á tímabilinu og er nú kominn með níu mörk í tólf leikjum í deildinni.
内容来自 mbl.is - Íþróttafréttir,版权归原作者所有。
阅读原文 ↗