Framkvæmdastjóri þingflokksins með krabbamein

Sigurjón Njarðarson.

Sigurjón Njarðarson. Ljósmynd/Aðsend

Sigurjón Njarðarson, framkvæmdastjóri þingflokks Viðreisnar, hefur greinst með krabbamein og verður því í leyfi frá störfum á næstunni. Stefnt er að uppskurði þegar allar greiningar liggja fyrir, sem hann vonast til að verði á allra næstu vikum.

Þessu greinir Sigurjón sjálfur frá í yfirlýsingu á samfélagsmiðlum, þar sem hann þakkar vinnuveitendum sínum í þingflokki Viðreisnar fyrir að hafa sýnt sér mikinn stuðning og hlýju.

Eftir að hafa fengið verk í síðuna fyrir nokkrum vikum síðan kveðst Sigurjón hafa farið í skoðun, og þar hafi strax orðið ljóst að eitthvað alvarlegt væri á seyði.

„Nú er ljóst að ég er með krabbamein, sarkmein,“ segir í færslu Sigurjóns. 

„Til lukku þá er staðfest er að meinið hefur ekki dreift sér og er þarna bara til verulegs ófriðar í síðunni á mér. Það eru einnig góð tíðindi að meinið telst vera skurðtækt og stefnt er að uppskurði þegar allar greiningar liggja fyrir, vonandi á allra næstu vikum.“

Ekki hefur verið greint frá því hvort einhver muni sinna starfi Sigurjóns á meðan veikindin standa yfir, en Svanborg Sigmarsdóttir, framkvæmdastjóri Viðreisnar, hefur einnig gegnt stöðu framkvæmdastjóra þingflokks Viðreisnar á þessu kjörtímabili.

内容来自 Mbl.is - Innlendar fréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅