Erla reyndi við Íslandsmet

Erla Ágústsdóttir.

Erla Ágústsdóttir. Ljósmynd/ATG

Erla Ágústsdóttir keppti í +86 kg flokki kvenna á heimsmeistaramótinu í ólympískum lyftingum í Ningbo í Kína í nótt.

Erla keppti í C-riðli og lauk keppni með 99 kg í snörun og 125 kg í jafnhendingu, samtals 224 kg.

Erla hóf keppni í snörun með 98 kg en náði ekki að ljúka lyftunni með góðum árangri. Hún sýndi hins vegar góð viðbrögð í annarri tilraun þegar hún lyfti 99 kg. Í þriðju tilraun reyndi hún við 103 kg en sú lyfta tókst ekki. Erla var aðeins frá sínu besta í snörun en mætti tvíefld til leiks í seinni hlutann.

Í jafnhendingu gekk betur og Erla opnaði á 120 kg sem fóru vel upp. Hún hækkaði síðan í 125 kg og náði einnig þeirri lyftu. Í þriðju og síðustu tilraun reyndi hún við 130 kg, sem hefði verið nýtt Íslandsmet, en náði ekki að ljúka lyftunni með gildum hætti.

Erla lauk því keppni með 224 kg samanlagt, eftir að hafa sýnt góð tilþrif í jafnhendingu. 

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅