Á sextugsaldri þegar hann eignaðist sitt fjórða barn

Robert Pires, fyrrum leikmaður Arsenal og franska landsliðsins, er orðinn faðir í fjórða sinn, 53 ára að aldri.

Pires greindi frá gleðitíðindunum á Instagram en hann og nýr maki hans eignuðust dóttur þann 31. október síðastliðinn.

Stúlkan hefur fengið nafnið Olivia og birti Pires fallega svarthvíta mynd þar sem hann heldur í hönd hennar.

„Olivia Pires, 31.10.2026. Velkomin í heiminn, litla stelpan mín,“ skrifaði Frakkinn.

Pires skildi við fyrrverandi eiginkonu sína, Jessicu Lemarie, fyrir tveimur árum en þau höfðu verið saman um árabil.

Elsti sonur hans, Theo, hefur fetað í fótspor föður síns og verið fyrirliði hjá akademíu Arsenal.

Fjölmargar knattspyrnustjörnur óskuðu Pires til hamingju með fjölgunina, þar á meðal Petr Cech, Sol Campbell, Roberto Carlos og Franck Ribery.

Pires er í miklum metum hjá stuðningsmönnum Arsenal eftir farsælan feril hjá félaginu, þar sem hann var meðal annars hluti af hinu ósigrandi liði sem vann ensku úrvalsdeildina árið 2004.

内容来自 DV.is,版权归原作者所有。

阅读原文 ↗

把喜欢的内容,留在你的新标签页。

打开我的订阅