Andstæðingi Netanjahú falið að mynda ríkisstjórn
Benjamín Netanjahú, núverandi forsætisráðherra Ísreael, er hér til vinstri. Gadi Eisenkot til hægri. AFP/Samsett mynd
Isaac Herzon, forseti Ísraels, hefur falið Gadi Eisenkot stjórnarmyndunarumboðið í Ísrael.
Forsetinn fól honum því verkefnið að mynda ríkisstjórn fram yfir núverandi forsætisráðherra, Benjamín Netanjahú, sem hefur gegnt embættinu í 19 ár samanlagt yfir nokkur tímabil. Það er lengur en nokkur annar.
Eisenkot er pólitískur andstæðingur Netanjahú og leiðtogi stjórnarandstöðunnar í Ísrael. Þingkosningar fóru þar fram fyrir skömmu.
Hann sagðist í dag ætla að gera allt sem í hans valdi stæði til að mynda ríkisstjórn.
„Nú er tíminn fyrir neyðarstjórn í ljósi þjóðaröryggis. Ég mun gera allt sem í mínu valdi stendur til að standa undir traustinu við að mynda ríkisstjórn,“ sagði Eisenkot í færslu á samfélagsmiðlinum X í dag.
Leiðtogi stjórnarandstöðunnar
Eisenkot er formaður Yashar-flokksins sem hefur verið skilgreindur sem miðjuflokkur.
Eisenkot er fyrrum hershöfðingi en flokkurinn talar fyrir sterkum hernaðarlegum vörnum Ísrael.
Hann á bandamenn í öðrum flokkum en hvorki hann né Netanjahú fengu nægilega góða kosningu til að ná fram augljósum meirihluta.
内容来自 Mbl.is - Erlendar fréttir,版权归原作者所有。
阅读原文 ↗

