Trump vill bardagamógul í Hvita húsið
Donald Trump Bandaríkjaforseti hefur boðið Dana White, forstjóra UFC, starf fjölmiðlafulltrúa Hvíta hússins.
Trump greindi frá þessu í færslu á dreifimiðli sínum Truth Social.
„Mér er ánægja að tilkynna að hinum mikla Dana White, ofbeldisfullum bardagamanni og stríðsmanni, hefur verið boðin staða blaðafulltrúa Bandaríkjanna,“ skrifaði Trump.
„Dana, gerðu það, taktu starfið!“ bætti hann við.
UFC tengt sig stjórnvöldum
Hvíta húsið hefur verið án fjölmiðlafulltrúa frá 16. október, þegar Katie Zacharia lét af störfum eftir innan við viku í starfi.
White, sem er 57 ára, er forseti og forstjóri UFC, stærstu og farsælustu samtaka heims á sviði blandaðra bardagaíþrótta. Ofbeldisfullum búrbardögum UFC er sjónvarpað um allan heim. Meðal annars fór fram bardagakvöld á lóð Hvíta hússins í sumar, á afmælisdegi Trumps.
Trump nefndi einnig sex bardagamenn UFC sem hann vonaðist til að White myndi taka með sér í Hvíta húsið sem ráðgjafa. Tveir bardagamannanna sem nefndir voru eru rússneskir og einn brasilískur.
Trump og White eru gamlir vinir og Trump hefur oft reynt að tengja MAGA-stjórnmálastefnu sína við hið gríðarvinsæla UFC. Þegar Trump var endurkjörinn árið 2024 kom White fram við hlið repúblikanans þegar hann flutti sigurræðu sína.
Frá endurkjöri Trumps hefur White tekið sæti í stjórn Meta, sem margir litu á sem merki um íhaldssama stefnubreytingu tæknifyrirtækisins.
内容来自 Mbl.is,版权归原作者所有。
阅读原文 ↗