Árásarmaðurinn „heillaður af öfga-hægri hugmyndafræði“
Árásamaðurinn, sem skaut að minnsta kosti sex manns til bana í Kraká í Póllandi í dag, aðhylltist hugmyndafræði öfga-hægrisins.
Þetta segir innviðaráðherra landsins, Marcin Kierwinski.
„Allt bendir til þess að árásarmaðurinn hafi haft mjög, mjög róttækar skoðanir. Fjöldi vopna fannst í bílnum sem hann ók,“ sagði ráðherrann.
„Allt bendir til þess að hann hafi verið heillaður af öfga-hægri hugmyndafræði,“ bætti hann við.
Lögreglumaður þungt haldinn
Árásarmaðurinn ók bíl sínum inn á fjölfarið torg í miðborg Kraká og hóf skothríð.
Lögregla skiptist á skotum við manninn sem særðist í átökunum rétt eins og tveir lögreglumenn.
Annar þeirra er sagður þungt haldinn. Fjöldi fólks slasaðist í árásinni þar sem fjórar konu og tveir karlmenn létu lífið.
内容来自 Mbl.is,版权归原作者所有。
阅读原文 ↗
