Segir Rússa hafa beitt norðurkóreskum eldflaugum

Volodimír Selenskí Úkraínuforseti.

Volodimír Selenskí Úkraínuforseti. AFP

Volodimír Selenskí Úkraínuforseti segir að Rússar hafi beitt eldflaugum frá Norður-Kóreu í árásum á Úkraínu í nótt og hæft eitt af mikilvægustu orkuverum landsins.

Hann sakar Rússa um að herða árásir sínar til að auka þrýsting á Úkraínu og bandamenn hennar fyrir viðræður sem fram fara í næstu viku að frumkvæði Bandaríkjanna.

„Tæknilegt mat stendur yfir á þeim stöðum sem urðu fyrir skotflaugum. Samkvæmt fyrstu niðurstöðum notuðu Rússar KN-23-eldflaugar, framleiddar í Norður-Kóreu og þaðan fengnar, á eitt af lykilorkuverunum sem skemmdust,“ skrifaði Selenskí á samfélagsmiðlum í dag.

Rússar gerðu árásir á Úkraínu í nótt.

Rússar gerðu árásir á Úkraínu í nótt. AFP

Árás í aðdraganda viðræðna

Að sögn forsetans kom árásahrinan í aðdraganda nýrrar tilraunar Úkraínu og samstarfsríkja hennar til að blása lífi í friðarviðræður.

„Með því að herða árásir á Úkraínu og innviði okkar einmitt núna reyna Rússar að skapa sér frekari forsendur til að þrýsta á afstöðu Úkraínu og samstarfsríkja okkar,“ sagði Selenskí.

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅