Hvasst víða um land í kvöld
Innlent | mbl | 7.11.2026 | 7:10
Búast má við hvössum vindi víða um land í kvöld, að því er fram kemur í hugleiðingum veðurfræðings á Veðurstofu Íslands.
Lægð sem gengur yfir landið veldur suðvestanátt og rigningu víða en austanlands verður að mestu þurrt. Hiti verður á bilinu 6 til 11 stig.
Vindinn lægir á morgun
Vindinn lægir smám saman á morgun og dregur úr rigningu. Á Norðurlandi verður að mestu þurrt annað kvöld og hiti nálægt frostmarki.
Sunnan til má búast við lítils háttar rigningu.
Bjart víða á mánudag
Á mánudag er útlit fyrir rólegt veður og víða verður bjart á köflum, þó gæti rignt eitthvað við austur-, suðaustur- og norðvesturströndina.
Hiti verður 0 til 5 stig og kólnar enn frekar um kvöldið.
内容来自 Mbl.is,版权归原作者所有。
阅读原文 ↗