„Trump forseti ætti að íhuga það að frelsa Diddy“

Anthony Constantino situr við hlið fyrrum ráðgjafa Trumps, Roger Stone. Þeir hlusta á ræðu JD Vance á kosningafundi í Rome, New York, áður en kosið var til þingsins. AFP/Tom Brenner

Repúblikaninn Anthony Constantino, sem vakið hefur athygli fyrir að hafa rappað á og gefið út heila hljómplötu um Donald Trump Bandaríkjaforseta, vann sæti í þingkosningunum í New York-ríki í kosningunum í vikunni. Niðurstöðurnar komu í ljós í dag.

Constantino hefur kallað eftir því að Trump náði rapparann Diddy sem heitir réttu nafni Sean Combs og kemur frá New York.

Sæti Constantino tilheyrir fulltrúadeild þingsins sem repúblikanar töpuðu í kosningunum fyrir demókrötum en þar höfðu þeir meirihluta eftir kosningarnar þar áður. Hið sama er að segja um öldungadeildina en demókratar hafa nú meirihluta í báðum deildum.

Rapparinn Diddy situr nú í fangelsi í New York.

Rapparinn Diddy situr nú í fangelsi í New York. AFP/Angela Weiss

Hrósaði sigri á föstudag

Demókratinn Blake Gendebien tapaði baráttunni fyrir Constantino, talning atkvæða leiddi það ekki í ljós fyrr en í dag.

Repúblikaninn hrósaði þó sigri strax á föstudaginn, á kjördag, þegar hann jós fúkyrðum yfir „vonda fréttamenn“ og vísaði sjónvarpsfréttamönnum á dyr um leið.

„Mér finnst að Trump forseti ætti að íhuga það að frelsa Diddy. Hann er sögulegur New York-búi sem gerði frábæra hluti fyrir New York-ríki,“ sagði Constantino.

Diddy var dæmdur til rúmlega fjögurra ára fangelsisvistar í fyrra fyrir lögbrot er snéru að vændi. 

Donald Trump Bandaríkjaforseti.

Donald Trump Bandaríkjaforseti. AFP/Mandel Ngan

Rappplatan „Takk fyrir Trump forseti“

Constantino vakti fyrst athygli fjölmiðla árið 2024 þegar hann kom fyrir risavöxnu upplýstu skilti, þar sem á stóð: „Kjósið Trump“, ofan á húsnæði eigin fyrirtækis sem selur límmiða.

Í ár gaf hann síðan út plötu sem heitir Takk fyrir Trump forseti og inniheldur lög sem draga innblástur af bókum (Art of the Deal) og slagorðum forsetans en einnig ást hans á golfíþróttinni.

Þess má geta að Donald Trump Bandaríkjaforseti kemur frá New York eins og Constantino og Diddy.

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅