Greint frá dánarorsökinni
Íþróttir | mbl | 6.11.2026 | 18:25
Suðurafríski ruðningsleikmaðurinn Hyron Andrews lést af völdum ósæðarflysjunar, að því er félag hans, Lions, hefur staðfest í kjölfar krufningar í Frakklandi.
Frönsk yfirvöld lýstu „rofi í ósæðinni (af náttúrulegum orsökum) sem leiddi til verulegrar blóðsöfnunar í gollurshúsinu sem umlykur hjartað,“ sagði félagið í yfirlýsingu fyrir hönd fjölskyldu hans.
Andrews, sem var 31 árs, lést þegar liðið heimsótti La Rochelle í október. Í yfirlýsingunni kom fram að flysjunin hefði að öllum líkindum orðið út frá ósæðargúl.
Leikmaðurinn lætur eftir sig eiginkonu og tvo unga syni. Fjölskylda hans óskaði eftir að fá að vera í friði á meðan undirbúningur hófst við að flytja lík hans heim til Suður-Afríku.
内容来自 Mbl.is,版权归原作者所有。
阅读原文 ↗