Kveður þjálfarann með fallegum skilaboðum
Ítalinn Jannik Sinner, einn fremsti tenniskappi heims, þarf að finna sér nýjan þjálfara á næstunni.
Hann greindi frá því á samfélagsmiðlum í dag að samstarfi hans við Ástralann Darren Cahill væri lokið en þeir hafa starfað saman frá árinu 2022.
Sinner birti myndband þar sem hann þakkaði Cahill fyrir samstarfið og þann þátt sem hann hefur átt í þróun hans sem leikmanns og einstaklings.
„Stóran hluta af því sem ég er í dag, bæði sem leikmaður og einstaklingur, á ég þér að þakka,“ sagði Sinner.
Undir stjórn Cahill hefur Sinner þróast í einn af tveimur bestu leikmönnum íþróttarinnar ásamt Spánverjanum Carlos Alcaraz. Cahill hefur á þjálfaraferli sínum hjálpað fjórum leikmönnum upp í efsta sæti heimslistans, þar á meðal Sinner.
Svíi að taka við starfinu
Samkvæmt erlendum miðlum mun Svíinn Magnus Norman taka við starfi Cahill. Norman, sem náði öðru sæti heimslistans á sínum leikmannaferli, mun starfa með Simone Vagnozzi en þeir Vagnozzi og Cahill hófu báðir samstarf við Sinner árið 2022. B.T. Sport í Danmörku segir frá.
Norman hefur áður þjálfað landa sinn Robin Söderling þegar hann komst í úrslit Opna franska meistaramótsins tvö ár í röð. Síðar hjálpaði hann Svisslendingnum Stan Wawrinka að vinna þrjá risatitla.
Sinner hefur ekki leikið síðan í júlí þegar hann fagnaði sigri á Wimbledon-mótinu vegna hnémeiðsla. Búist er við að hann snúi aftur á tennisvöllinn í desember þegar hann tekur þátt í sýningarmótinu Six Kings Slam.
Í fjarveru Sinners hefur hann fallið niður í annað sæti heimslistans. Þjóðverjinn Alexander Zverev er hins vegar öruggur með að enda árið 2026 í efsta sæti listans.
内容来自 mbl.is - Íþróttafréttir,版权归原作者所有。
阅读原文 ↗