Keppti í fyrsta sinn í fullorðinsflokki á HM

Þórbergur Ernir Hlynsson keppti í fyrsta sinn á HM.

Þórbergur Ernir Hlynsson keppti í fyrsta sinn á HM. Ljósmynd/LSÍ

Þórbergur Ernir Hlynsson keppti í 110 kg flokki karla á heimsmeistaramótinu í ólympískum lyftingum í Ningbo í Kína í dag.

Þetta var fyrsta heimsmeistaramót Þórbergs í fullorðinsflokki, en hann keppti í C-riðli þar sem hann reyndi við 144 kg í snörun og 172 kg í jafnhendingu.

Keppnin reyndist Þórbergi erfið í snörun. Hann gerði þrjár tilraunir við 144 kg en náði ekki að ljúka neinni þeirra með gildri lyftu.

Í jafnhendingu sýndi Þórbergur hins vegar góð tilþrif. Hann opnaði keppnina af öryggi með 172 kg lyftu sem fór vel upp. Í annarri tilraun hækkaði hann í 181 kg, sem hefði verið nýtt Íslandsmet í jafnhendingu í 110 kg flokki, en sú lyfta tókst ekki þrátt fyrir öflugt tog. Í þriðju og síðustu tilraun reyndi hann við 182 kg en náði ekki að ljúka lyftunni.

„Þórbergur lauk því keppni án gilds árangurs í samanlögðu. Þrátt fyrir að niðurstaðan hafi ekki orðið sú sem stefnt var að er þátttakan á heimsmeistaramóti fullorðinna mikilvægur áfangi á ferli hans.

Þórbergur hefur á undanförnum árum náð góðum árangri í yngri aldursflokkum og á alþjóðlegum vettvangi, meðal annars með sjötta sæti á Evrópumeistaramóti U20 og U23 fyrr í haust, þar sem hann lyfti 326 kg samanlagt,“ stendur í frétt Lyftingasambands Íslands.

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅